Vətən müharibəsində qazanılmış qələbənin 5 illiyi, Konstitusiyanın 30 illiyi və Azərbaycan arxivinin 105 illiyi çərçivəsində Dövlət Arxivinin Şamaxı filialında tələbələrin ekskursiyası təşkil edilib
06
November 2025 09:58
News
Baxış sayı : 191
Azərbaycan Respublikasının Milli Arxiv İdarəsi tərəfindən təsdiq olunmuş Dövlət Arxivi Şamaxı filialının 2025 - ci ilin İş planına uyğun olaraq filialda rayon ictimai xadimlərinin və müvafiq qurumların nümayəndələrinin, təhsil ocaqlarının müəllim, tələbə və şagirdlərinin iştirakı ilə “Açıq qapı” günlərinin, ekskursiyaların keçirilməsi nəzərdə tutulub.
Dövlət Arxivi Şamaxı filialının və Şamaxı Dövlət Regional Kollecinin birgə təşkilatçılığı ilə həmin Kollecin Sosial iş şöbəsinin Kargüzarlıq və Arxiv işi ixtisası üzrə təhsil alan tələbələrinin arxivə ekskursiyası təşkil edilib. Arxivin direktoru Cavid Bağırov tələbələrə dövlət arxiv xidməti təşkilatlarının fəaliyyəti, arxivlərin dövlət idarəçiliyində rolu, filialın əhatə etdiyi Kürdəmir, Ağsu, İsmayıllı, Qobustan rayon dövlət arxivləri haqqında, həmçinin sənədlərin dövlət arxivlərinə qəbulu, mühafizəsi, uçotu, istifadəsi, rəqəmsallaşdırılması və elektron xidmətlər haqqında ətraflı məlumat vermişdir.
Daha sonra tələbələrin sualları cavablandırılmış, sənədlərin mühafizə şəraiti əyani şəkildə nümayiş etdirilmişdir.
