Dövlət Arxivinin Şirvan filialında “Xocalını unutmadıq...” adlı sənəd sərgisi təşkil edilib
27
Февраль 2025 01:07
Новости
Baxış sayı : 246
Xocalı soyqırımının 33-cü ildönümü münasibətilə Dövlət Arxivinin Şirvan filialında Dövlət Kino-Foto Sənədləri Arxivində, o cümlədən filialın özündə daimi mühafizə edilən foto və kağız əsaslı sənədlər əsasında açıq havada sənəd sərgisi təşkil edilib. Sərgidə Xocalı soyqırımına aid olan fotosənədlər, Şirvan şəhərində müvəqqəti məskunlaşdırılmış Xocalıdan olan məcburi köçkünlərin siyahısı, yerli icra hakimiyyəti tərəfindən onlara göstərilmiş diqqət və qayğını özündə əks etdirən digər sənədlər yer alıb.
Sərgi yerli ictimaiyyət nümayəndələri tərəfindən maraqla qarşılanıb. Daha sonra Dövlət Arxivinin Şirvan filialın kollektivi Şirvan şəhərində yerləşən Şəhidlər Xiyabanını ziyarət ediblər.
