Dövlət Arxivinin Şirvan filialında “Azərbaycan dilindən düzgün istifadə: ana dili və arxiv” mövzusunda tədbir keçirilib.
06
Апрель 2024 09:32
Новости
Baxış sayı : 615
Tədbirdə filialın metodiki tabeliyində fəaliyyət göstərən Hacıqabul, Saatlı, Sabirabad Rayon Dövlət Arxivlərinin müdirləri və filialın əməkdaşları iştirak ediblər.
Tədbiri giriş sözü ilə filialın direktoru Nəsibə Məmmədova açaraq Azərbaycan dilinin dövlətimizin rəsmi dili kimi qrammatik, orfoqrafik, orfoepik qaydaların tələblərinin ümumi şəkildə qorunması və həmin tələblərə uyğun istifadə edilməsi haqqında məlumat verib. N. Məmmədova bildirib ki, keçən əsrə aid olan arxiv sənədlərinin qeyri dövlət dilində olmasına baxmayaraq filial həmin sənədlərin istifadəsi zamanı yuxarıda qeyd edilən tələblərin qorunmasına xüsusi həssaslıqla yanaşır.
Hacıqabul Rayon Dövlət Arxivinin müdiri Vüsal Nağıyev qloballaşma şəraitində Azərbaycan dilinə olan yad təsirlərdən danışıb.
Sonda tədbir iştirakçıları tərəfindən “2024-cü il - Yaşıl dünya naminə həmrəylik ili” çərçivəsində ağacəkmə aksiyası keçirilib.
