Dövlət Elm və Texnika Sənədləri Arxivinə şagirdlərin ekskursiyası təşkil edilib
26
Май 2025 09:23
Новости
Baxış sayı : 139
Azərbaycan Respublikasının Milli Arxiv İdarəsi tərəfindən təsdiq olunmuş Dövlət Elm və Texnika Sənədləri Arxivinin 2025-ci ilin İş Planına uyğun olaraq Bakı şəhəri Yasamal rayonu İlqar İbrahimov adına 167 nömrəli tam orta məktəbin 9-cu sinif şagirdlərinin adıçəkilən arxivə ekskursiyası təşkil olunub.
Ekskursiyada ARDETSA-nın Sənədlərin nəşri və istifadəsi şöbəsinin müdiri Səadət Cabbarova ilə yanaşı şöbənin aparıcı mütəxəssis arxeoqrafı Nəbiyeva Günel və arxeoqraf Rəna Namazova şagirdlər qarşısında çıxış edərək arxivin əsas iş fəaliyyəti istiqamətləri, həmçinin sənədlərin dövlət arxivlərinə qəbulu, mühafizəsi, istifadəsi, rəqəmsallaşdırılması və elektron xidmətlər haqqında ətraflı məlumat veriblər.
