Dövlət Elm və Texnika Sənədləri Arxivində şagirdlərin ekskursiyası təşkil edilib
08
Май 2024 09:47
Новости
Baxış sayı : 459
Azərbaycan Respublikasının Milli Arxiv İdarəsi tərəfindən təsdiq olunmuş Dövlət Elm və Texnika Sənədləri Arxivinin 2024-cü ilin İş Planına uyğun olaraq, Bakı şəhəri Yasamal rayonu İlqar İbrahimov adına 167 nömrəli tam orta məktəbin 8-ci sinif şagirdlərinin arxivə ekskursiyası təşkil olunub.
Dövlət Elm və Texnika Sənədləri Arxivinin Sənədlərin nəşri və istifadəsi şöbəsinin müdiri Səadət Cabbarova və həmin şöbənin aparıcı arxeoqrafı Günel Nəbiyeva və arxeoqraf Rəna Namazova tərəfindən ekskursiyada iştirak edən şagirdlər arxivin əsas fəaliyyət istiqamətləri, həmçinin sənədlərin dövlət mühafizəsinə qəbulu, istifadəsi, rəqəmsallaşdırılması haqqında ətraflı məlumat ilə tanış ediliblər.
Sənədlərin surətlərinin çıxarılması, bərpası və cildlənməsi üzrə Mərkəzi Laboratoriyanın fəaliyyəti ilə yaxından tanış olan şagirdlər burada sənədlərin bərpa olunması prosesini izləyib, onları maraqlandıran suallar cavablandırılıb.
