Azərbaycan Respublikasının Milli Arxiv İdarəsi tərəfindən təsdiq olunmuş Dövlət Arxivi Salyan filialının 2024-cü ilin İş Planına uyğun olaraq, 8 Noyabr – Zəfər Günü münasibətilə Şəhid Zahir Sadıqov adına Neftçala rayon Qaraqaşlı kənd orta məktəbinin şagirdlərinin filialda ekskursiyası təşkil olunub.

Filialın və adıçəkilən məktəbin birgə təşkilatçılığı ilə keçirilən tədbirdə filialın direktoru Səkinə Məlikovanın rəhbərliyi ilə filialın kollektivi, o cümlədən sözügedən məktəbin direktor müavini Nazilə Səlimovanın rəhbərliyi ilə müəllimlər İlhamə Əhədova, Pikəxanım Rəhimova və şagirdlər iştirak edirdilər. 

Vətənimizin ərazi bütövlüyü və suverenliyi uğrunda canlarından keçən əziz Şəhidlərimizin ruhu bir dəqiqəlik sükutla yad edildikdən sonra Dövlət Arxivi Salyan filialının direktoru S. Məlikova qonaqları arxiv işinin təşkili, sənədlərin mühafizəsi, qeydiyyatı, komplektləşdirilməsi, istifadəsi üzrə  görülən işlər, o cümlədən müvafiq normativ hüquqi aktların tələbləri haqqında məlumatlandırdı.

Daha sonra filialın əməkdaşları – Məlahət Sərdarova və Sədəf Nəcəfova tərəfindən şagirdlər sənədlərin mühafizə şəraiti, mühafizəxanaların iş rejimi ilə yaxından tanış edildilər və onları maraqlandıran suallar cavablandırıldı.