18 Noyabr 2026 03:16 XƏBƏRLƏR Baxış sayı : 35
Rusiya Federasiyasının Federal Arxiv Agentliyinin və Arxiv İşi və Sənədşünaslıq üzrə Ümumrusiya Elmi-Tədqiqat İnstitutunun (ВНИИДАД) birgə təşkilatçılığı ilə 10-14 noyabr 2026-cı il tarixlərində, Moskva şəhərində “Real virtual: Rəqəmsal dövrdə sənədli irs” mövzusunda beynəlxalq elmi-praktiki konfrans keçirilib. Konfransda arxivlərin, kitabxanaların və muzeylərin nümayəndələri, universitet professorları və informasiya texnologiyaları mütəxəssisləri iştirak edib.
Konfransın mövzusuna uyğun olaraq, sənədlərin və muzey eksponatlarının qorunması və bərpası, ixtisaslaşmış kadrların hazırlanması və müasir texnologiyaların və avadanlıqların tətbiqi, o cümlədən arxiv sənədlərinin ehtiyat nüsxələrinin yaradılması, mədəni irsin rəqəmsallaşdırılması məsələləri müzakirə edilib.
Sözügedən konfransda Dövlət Kino-Foto Sənədləri Arxivinin direktoru Şamxal Əlizadə onlayn formatda iştirak edərək “Arxivlərdə mühafizə olunan sənədlərin konservasiyası və restavrasiyası” mövzusunda çıxış edib. Çıxışda kino və fotosənədlərin fiziki vəziyyətinə nəzarət, mühafizə şəraitinin təmin edilməsi, sənədlərin qorunması, konservasiya və restavrasiya istiqamətində həyata keçirilən tədbirlər, eləcə də müasir texnologiyaların tətbiqi barədə məlumat verilib.


| Bugün: | 671 |
| Dünən: | 853 |
| Bu həftə: | 2338 |
| Son həftə: | 5692 |
| Bu Ay: | 14347 |
| Son Ay: | 36091 |
| Bu İl: | 507658 |
| Ümumi: | 2201583 |
AZ1106, Bakı şəhəri, Ziya Bünyadov pr., 3
Tel: (+99412) 562 97 75 Faks: (+99412) 562 97 56 E-mail: info@milliarxiv.gov.az