Azərbaycan Respublikasının

Milli Arxiv İdarəsi

Arxiv işlərinə gərək çox ciddi fikir verək.
Bir tərəfdən ona görə ki, bu, xalqımızın tarixini əks etdirən
yeganə mənbədir. İkincisi də ona görə ki, tariximizi təhrif
edənlərin qarşısını almaq üçün çox mühüm amildir.

Son Xəbərlər

Azərbaycan Kooperasiya Universiteti tələbələrinin Dövlət Ədəbiyyat və İncəsənət Arxivində ekskursiyası təşkil edilib

Azərbaycan Respublikasının Milli Arxiv İdarəsi tərəfindən təsdiq olunmuş Salman Mümtaz adına Dövlət Ədəbiyyat və İncəsənət Arxivinin 2024-cü ilin İş Planına uyğun olaraq, Azərbaycan Kooperasiya Universiteti tələbələrinin  arxivdə ekskursiyası təşkil olunub.

Arxivin direktoru Könül Nəsibova tələbələri arxiv işinin təşkili, sənədlərin mühafizəsi, qeydiyyatı, komplektləşdirilməsi, istifadəsi, informasiya təminatı və rəqəmsallaşdırılması üzrə  görülən işlər, o cümlədən. müvafiq normativ hüquqi aktların tələbləri haqqında məlumat verdi.    K. Nəsibova Salman Mümtaz adına Dövlət Ədəbiyyat və İncəsənət Arxivində daimi mühafizə edilən qiymətli sənədlərin xalqımızın mədəni həyatında və mədəni irsin formalaşmasında oynadığı xüsusi rolunu qeyd  etdi.

Arxivin direktor müavini Şəlalə Baxşəliyeva arxivdə daimi mühafizə edilən xüsusilə qiymətli sənədlər, o cümlədən Hüseyn Cavid, Cəlil Məmmədquluzadə, Əbdürrəhim bəy Haqverdiyev, Əziz Şərif, Əliağa Vahid, Rza Daraplıya aid olan sənədlər, kinorəssam Cəbrayıl Əzimovun, əməkdar rəssam Reyhan Topçubaşovun milli geyim eskizləri, Üzeyir Hacıbəyovun not yazıları,  o cümlədən unikal kitablardan 1856-cı ildə daşbasma üsulu ilə nəşr edilmiş “Tarixi Nadir” kitabının, “Molla Nəsrəddin” jurnalının əsli ilə tələbələri əyani şəkildə tanış edərək həmin sənədlər haqqında ətraflı məlumat verdi.

Arxivin şöbə müdiri Mətanət Qasımova tələbələri sənədlərin mühafizə şəraiti, mühafizəxanaların iş rejimi ilə yaxından tanış edərək onların suallarını cavablandırdı.


Bugün: 1195
Dünən: 1315
Bu həftə: 7282
Son həftə: 5692
Bu Ay: 19291
Son Ay: 36091
Bu İl: 512601
Ümumi: 2206526
2206526