İdarənin Arxiv sənədlərinin nəşri, istifadəsi və informasiya təminatı şöbəsinin baş məsləhətçisi Rafiq Səfərovun "Solmuş arxiv qovluqlarında  yaşayan ömür. İlk qadın pedaqoqlardan Səhra xanım Zeynalovanın fəaliyyəti öyrənilməlidir" adlı məqaləsi “Şərq” qəzetinin 14 aprel 2023-cü il tarixli, №64 (5825) saylı buraxılışında dərc edilmişdir.

Müəllifin arxiv sənəd və materialları əsasında hazırladığı bu məqalədə qeyd edilir ki, Azərbaycanda qadın təhsilinin əsasının qoyulmasında və onun inkişaf etdirilməsində, müsəlman qadınların məktəbə cəlb edilməsində müəyyən rolu və xidmətləri olmuş bir sıra tanınmış qadın pedaqoqların, o cümlədən Nigar xanım Vəlibəyova, Mina xanım Aslanova, Məryəm xanım Sulkeviç, Gülbahar  xanım Axriyeva, Məleykə xanım Hacıbəyova (Terequlova), Rəhilə xanım Hacıbababəyova (Terequlova), Zəhra xanım Ağayeva, Səhra xanım Zeynaliva-Rzabəyova və  digər  qadın pedaqoqların  həyat və fəaliyyətləri təəssüflər olsun ki, indiyə qədər kifayət qədər öyrənilməmiş, ensiklopediyalarda və digər kütləvi nəşrlərdə dərc edilərək  geniş oxucu kütlələrinə  çatdırılmamışdır.

Belə qadın pedaqoqlarımızdan biri də Balaxanı qadın ibtidai məktəbinin və H.Z. Tağıyevin fabrikinin nəzdində fəaliyyət göstərmiş məktəbin  müəlliməsi Səhra xanım Zeynalovadır.

           Məqalə ilə BURADAN və ya adıçəkilən qəzetin onlayn versiyasından (səh.7)  tanış ola bilərsiniz.