“Azərbaycan Respublikasında 2023-cü ilin “Heydər Əliyev İli” elan edilməsi haqqında” Azərbaycan Respublikası Prezidentinin 2022-ci il  29 sentyabr tarixli, 3494 nömrəli Sərəncamının icrası ilə əlaqədar Milli Arxiv İdarəsi tərəfindən təsdiq edilmiş müvafiq “Tədbirlər Planı”na uyğun olaraq silsilə xarakterli tədbirlərin həyta keçirilməsi davam etdirilir.

Tədbirlər Planına uyğun olaraq Milli Arxiv İdarəsinin və Milli Arxiv İdarəsi Həmkarlar İttifaqının təşkilatçılığı ilə stoüstü oyunlar keçirilmiş, şahmat və dama üzrə keçirilən oyunlarda müxtəlif yaş qruplarında olan iştirakçılar yarışmışdırlar. Belə ki, İdarə aparatında və Dövlət Arxivlərində çalışan əməkdaşlar və onların kiçikyaşlı övladları yarışlarda iştirak etmişdirlər.

12 may 2023-cü il tarixində sözügedən yarışların qaliblərinin mükafatlandırılması üzrə tədbir keçirilmişdir. Tədbirdə ilk olaraq Ulu Öndərin və Vətən uğrunda canından keçən Şəhidlərimizin xatirəsinin bir dəqiqəlik anılması üçün sükut elan olundu.

Milli Arxiv İdarəsinin rəisi  Əsgər Rəsulov tədbiri açıq elan edərək keçirilən idman yarışı haqqında iştirakçılara məlumat vermiş, Ulu Öndər Heydər Əliyevin gənc nəslin sağlam yetişməsi üçün idman və bədən tərbiyəsinə göstərdiyi qayğını qeyd etmişdir.

           Daha sonra qaliblərin mükafatlandırılma mərasimi keçirlmişdir.