Təqdim edilən sənədlər Azərbaycan Respublikasının Prezidenti İlham Əliyevin 2017-ci ilin ikinci yarimilində Şirvan, Qax, Zaqatala, Samux, Gədəbəy, Yevlax, Şəmkir, Neftçala, Salyan, Qobustan, Şamaxı, Gəncə, Tərtər, Sabirabad və Naxçıvan MR-na səfərlərini, regionların sosial-iqtisadi inkişafını, Bakı şəhərində və Naxçıvan MR-da məktəb-liseylərin yeni binalarının açılışında dövlət başçısının iştirakını, hərbi hissələrin binalarının yenidən qurulmasını, Binəqədi-Novxanı, Pirşağı-Novxanı, Məmmədli-Digah-Mehdiabad avtomobil yolunun, Bakı-Tbilisi-Qars dəmir yolunun açılışını, parkların, mədəniyyət abidələrinin əsaslı təmirini əks etdirir.

Bütün bu sadalananlarla yanaşı olaraq qəbul olunmuş fotosənədlər dövlət başçısının İran, Fransa, Polşa, Türkiyə, Latviya, Belçika və Pakistana 2017-ci ilin ikinci yarımilində etdiyi səfərləri əks etdirir.

Ümummilli Lider Heydər Əliyevin anadan olmasının 94-cü ildönümü tədbirləri, Xocalı soyqırımının 25-ci ildönümü ilə əlaqədar keçirilən ümümxalq yürüşü, Milli Olimpiya Komitəsinin 25 illiyinə həsr olunmuş idman tədbirləri də qəbul olunmuş fotosənədlərdə öz əksini tapıb.

Hal-hazırda Arxivdə sənədlərin AR Milli Arxiv Fonduna qəbulu rəsmiləşdirilir.