Dövlət Arxivinin Şəki filialında tələbələrin növbəti ekskursiyası təşkil edilib

23 İyun 2025 03:28 XƏBƏRLƏR Baxış sayı : 590

Azərbaycan Respublikasının Milli Arxiv İdarəsi tərəfindən təsdiq olunmuş Dövlət Arxivi Şəki filialının 2025-ci ilin İş Planına uyğun olaraq, Şəki Dövlət Regional Kollecin 3-cü kurs tələbələrinin filiala ekskursiyası təşkil olunub.

Filialın direktoru Ehtiram Məmmədov tələbələri arxiv işinin təşkili, sənədlərin mühafizəsi, qeydiyyatı, komplektləşdirilməsi, istifadəsi, informasiya təminatı və rəqəmsallaşdırılması üzrə görülən işlər, o cümlədən müvafiq normativ hüquqi aktların tələbləri haqqında məlumatlandırdı.

Daha sonra tələbələr sənədlərin mühafizə şəraiti, mühafizəxanaların iş rejimi ilə yaxından tanış edilərək onların sualları cavablandırıldı.