Dövlət Arxivinin Şəmkir filialında xidməti müşavirə keçirilib

25 Fevral 2026 08:21 XƏBƏRLƏR Baxış sayı : 311

2025-ci il üzrə müvafiq hesabat sənədlərinin icrası və nəticələri, o cümlədən Azərbaycan Respublikasının Milli Arxiv İdarəsinin strukturuna daxil olmayan tabeliyindəki sənədləri dəyişən tərkibli rayon (şəhər) dövlət arxivlərinin maliyyələşməsinin mərkəzləşdirilmiş xərclərə aid edilməsi məsələləri barəsində Dövlət Arxivinin Şəmkir filialında xidməti müşavirə keçirilib.

Ağstafa, Qazax, Tovuz və Gədəbəy rayon dövlət arxivlərinin müdirlərinin, həmçinin filial əməkdaşlarının iştirakı ilə keçirilmiş müşavirədə filial direktoru Elşən Quliyev gündəlikdə duran məsələlər, həmçinin “Azərbaycan Respublikasının 2026-cı il dövlət büdcəsi haqqında” Azərbaycan Respublikasının 2025-ci il 9 dekabr tarixli 292-VIIQ nömrəli Qanununun tətbiqi ilə bağlı bir sıra məsələlər barədə Azərbaycan Respublikası Prezidentinin 2025-ci il 29 dekabr tarixli Fərmanının icrası ilə bağlı Milli Arxiv İdarəsinin təlimatlarını iştirakçıların diqqətinə çatdırıb, cari məsələlər müzakirə edilib.