Azərbaycan Respublikasının

Milli Arxiv İdarəsi

Arxiv işlərinə gərək çox ciddi fikir verək.
Bir tərəfdən ona görə ki, bu, xalqımızın tarixini əks etdirən
yeganə mənbədir. İkincisi də ona görə ki, tariximizi təhrif
edənlərin qarşısını almaq üçün çox mühüm amildir.

Son Xəbərlər

Milli Arxiv İdarəsində “20 Yanvar günü Azərbaycanın suverenliyi, istiqlaliyyəti və ərazi bütövlüyü uğrunda mübarizənin rəmzidir” mövzusunda anım tədbiri keçirilmişdir.

Azərbaycan Respublikasının Milli Arxiv İdarəsində 20 Yanvar faciəsinin 29-cu ildönümü ilə bağlı anım tədbiri keçirilmişdir.  Tədbir şəhidlərin müqəddəs xatirəsinin bir dəqiqəlik sükütla yad olunması ilə başlanmışdır. Tədbirdə Milli Arxiv İdarəsinin rəhbərliyi, həmçinin İdarənin  əməkdaşları, Respublika dövlət arxivlərinin rəhbərləri iştirak edirdilər.

Mərasimi giriş nitqi ilə açan İdarənin rəisi Əsgər Rəsulov  “20 Yanvar” hadisələrinin Azərbaycan xalqının taleyində oynadığı roldan danışaraq, qanlı hadisələrə aparan tarixi şərait, o dövrkü SSRİ və Azərbaycan SSR rəhbərliyinin yarıtmaz  fəaliyyəti haqqında qısa tarixi şərh vermişdir.  

Daha sonra çıxış edən natiqlər qeyd etdilər ki, dəhşətli faciəyə kəskin etiraz olaraq 1990-cı il yanvarın 21-də ailə üzvləri ilə birgə Azərbaycanın Moskvadakı daimi nümayəndəliyinə gələrək mətbuat konfransı keçirən ulu öndər Heydər Əliyev hadisəyə operativ və düzgün qiymət verən ilk vətənpərvər lider oldu. Ümumilli Lider Heydər Əliyevin bütün təzyiqlərə və təhdidlərə baxmayaraq, mənsub olduğu xaqın faciəsinə məsuliyyət daşıyanları Kremlin bir addımlığında, həm də bütün dünyanın gözü qarşısında ittiham etməsi, burada Azərbaycan xalqına qarşı cinayət törədən şəxslərin ciddi şəkildə cəzalandırılması məsələsini qaldırması bir daha tədbir iştirakçılarının diqqətinə çatdırıldı.

Sözügedən tədbirdə vurğulandı ki, faciədən sonrakı tarixi proses xalqımızın siyasi iradəsinin, müstəqillik arzularının yenilməzliyini bir daha təsdiqlədi. 20 Yanvar hadisələrində qurbanlar verildi, lakin həmin faciəli günlər inam və sınaq günü kimi də yadda qaldı. Qəhrəman xalq həmin gün özünün azad və müstəqil yaşamağa layiq olduğunu bir daha sübut etmiş oldu.

Sonda 20 Yanvarın  Azərbaycanın suverenliyi, istiqlaliyyəti və ərazi bütövlüyü uğrunda mübarizənin rəmzi olduğu bir daha vurğulandı və bütün kollektivin 20 Yanvar günü Şəhidlər Xiyabanını ziyarət edəcəyi diqqətə çatdırıldı.


Bugün: 148
Dünən: 420
Bu həftə: 148
Son həftə: 2036
Bu Ay: 6256
Son Ay: 11881
Bu İl: 95685
Ümumi: 208304
208304